Dié heerlike gereg is perfek vir die jongspan.
Lewer 5-6 porsies
Bestanddele
Soetpatatwiggies
- 1 kg heel soetpatats, gewas en in wiggies gekap
- 2 e olyfolie
- 1/2 t woestyn- of pienk sout
- 1/4 t growwe swartpeper
- 1 t gedroogde roosmaryn
Tamatiedoopsous
- 1 groot rooi-ui, gekap
- 1 e olyfolie
- 300 g rosatamaties, gehalveer
- 1/4 k kookwater
- 3 e rou heuning
- 2 e balsemieke asyn
- 2 e paprika
- 2 t woestyn- of pienk sout
- 1/4 t growwe swartpeper
- 1 e sesamsaad
- 2 t gedroogde pietersielie
Garnering
- dennepitte
- vars roosmaryn
Metode
- Voorverhit die oond tot 200 °C.
- Spuit ‘n oondpan met kossproei.
- Plaas die soetpatatwiggies in die oondpan, bedruip met olyfolie en besprinkel met sout, swartpeper en roosmaryn.
- Bak in die oond vir 40-45 min. of tot die wiggies goudbruin en bros is. Haal uit en laat effens afkoel.
- Braai intussen die ui in die olyfolie tot goudbruin, voeg die tamaties en water by, en laat prut tot sag.
- Sodra die meeste vog weggekook het, voeg die heuning, asyn, paprika, sout, peper, sesamsaad en pietersielie by. Laat weer prut tot die meeste vog weggekook is en die sous aan die kante van die pan begin vaskleef.
- Laat effens afkoel, skep in ‘n opdienbak en garneer met dennepitte en roosmaryn.
Bron: Karlien kan nie kook nie
Uitgewer: Lapa