Vergeet van winkelbrood en bederf jou gaste met dié broodjies oor die kole!
- 25 g (1 koekie) suurdeeg, verkrummel
- 250 ml louwarm water
- 10 ml suiker
- 6 x 250 ml koekmeel, ongesif afgemeet
- 175 ml melk
- 50 ml botter of margarien
- 5 ml sout
Metode
- Meng die suurdeeg, water en suiker.
- Roer 250 ml van die meel by en laat op ’n warm plek rys tot dubbel die volume.
- Sif die orige meel en voeg by. Voeg ander bestanddele by en knie goed. Bedek en laat weer op ’n warm plek rys tot dubbel die volume.
- Knie deeg liggies af en verdeel in 8-10 stukke. Fatsoeneer elke stuk tot ’n rol van 200-250 mm in deursnee en draai spiraalvormig om groen stokke van sowat 50 cm lank.
- Bak brood 30-45 minute lank oor koel kole.
- Verwyder stokke en vul holtes met botter en konfyt of heuning.
Bron: Braaitreffers deur Hannetjie Joubert
Uitgewer: Lapa
As n mens nie koekie suurdeeg kan kry nie, kan n mens dit dalk vervang met iets anders?
Ek is doodseker jy kan dan die pakkie suurdeeg koop en gebruik. . .
Baie dankie!