Resep-video: Oondgebakte soetpatats

Daar is min dinge wat ‘n mens so baie na die huis laat verlang soos warm soetpatats saam met  ʼn tuisgemaakte maaltyd.

Bestanddele

• 1 kg patats, met die skil aan, in skywe gesny
• 60 ml botter, gesmelt
• 60 ml suiker
• 1 t fyn kaneel
• sout na smaak
• 60 ml water

Metode

1. Voorverhit die oond tot 200 °C en spuit ʼn oondbak met kleefwerende kossproei.
2. Meng die suiker, botter, kaneel en sout goed.
3. Gooi die skywe patats oor die bodem van die oondbak, gooi die suiker en botter mengsel bo-oor en meng alles goed sodat al die patatskywe goed bedek is met die mengsel.
4. Gooi die water oor en bedek met foelie. Bak dit in die warm oond vir sowat 45 minute.
5. Haal die foelie af en bak dit verder vir sowat 30 minute, of tot sag.
6. Bedien warm as bykos.

Al die Maroela-produkte wat jy in dié video sien, is in ons aanlyn winkel, Die Koöperasie, beskikbaar. Klik hier om dié mooi produkte te koop en jou kombuis in ʼn plaaskombuis te omskep.