Drie Maroela Media-lesers het elkeen ʼn versameling van Wat wil jy drink?-wyn gewen.
Baie geluk aan Arnold Pretorius, Chris Myburgh en Aretha Dippenaar wat binnekort ʼn glasie Afrikaanse wyn gaan skink.
Die Wat wil jy drink?-wynreeks bestaan uit drie wyne: Ek weet nie (chenin blanc), Iets lekkers (perlé rosé) en Dit wat oop is (pinotage/cabernet sauvignon).
“My man, Hannes, vra gereeld vir my wat ek wil drink, en dan sê ek gewoonlik iets soos ‘ek weet nie’ of ‘dit wat oop is’. In Desember 2020 het hy ʼn bietjie moeg vir my besluitelose antwoorde geraak en besluit om presies te maak wat ek soek,” het Jeanri van Zyl vroeër aan Maroela Media vertel oor die wynreeks, Wat wil jy drink?, wat sy en haar man Hannes begin het.
Hou Maroela Media dop vir nog opwindende kompetisies en skryf in!