Worsiemuffins. (Foto: Lapa Uitgewers)
Vul daardie hol kolletjie met ʼn worsiemuffin.
Lewer 12 groot of 24 standaardgrootte muffins.
Bestanddele
- 500 ml koekmeel
- 15 ml bakpoeier
- knypie sout
- knypie rooipeper
- 125 ml fyngerasperde Cheddarkaas
- 5 ml fyngekapte vars pietersielie
- 2,5 ml droë gemengde kruie
- 4 gaar Weense worsies, grofgekap
- 2 ekstragroot eiers
- 75 ml olie
- 312 ml melk
Metode
- Voorverhit die oond tot 180 °C.
- Sif die meel, bakpoeier, sout en rooipeper saam.
- Roer die kaas, pietersielie, gemengde kruie en worsies by.
- Klits die eiers, olie en melk saam.
- Meng die melkmengsel en meelmengsel liggies saam.
- Skep die beslag in muffinpannetjies en bak vir 20 minute of tot gaar in middel.
Bron: Kosblikkos
Uitgewer: Lapa
