Resep: Mama Kariel se brejani

Mama Kariel se brejani (Foto: Lapa Uitgewers)

Probeer iets nuuts met hierdie heerlike brejani.

Lewer sowat 6-8 porsies

Bestanddele

• 1½ kg skaapvleisporsies
• 5 kaneelstokkies
• 5 kardemompeule
• 4 kruienaeltjies
• 4 wonderpeperkorrels
• 50 ml gerasperde gemmer
• 35 ml fyngekapte knoffel
• 40 ml fyn koljander
• 2-3 brandrissies
• 500 ml karringmelk
• 60 ml kookolie
• 40 g botter
• 7 groot uie
• 6 aartappels, geskil en in kwarte gesny
• knippie saffraan
• 1 kg basmatirys
• 250 ml lensies
• 3 gekookte eiers, in skyfies gesny

Metode

1. Meng die speserye (nie die saffraan nie) en karringmelk in ʼn mengbak en marineer die vleis oornag daarin.
2. Verhit die olie en botter in ʼn groot kastrol en braai die uie tot ligbruin.
3. Voeg die gemarineerde vleis en karringmelk by die uie en kook tot die vleis halfgaar is.
4. Voeg die aartappels by en kook tot die aartappels halfgaar is.
5. Week die saffraan in ʼn bietjie warm water.
6. Skep ʼn laag van die rys bo-op die vleis, gevolg deur ʼn laag lensies en ʼn paar skyfies ui. Herhaal die lae rys, lensies en ui.
7. Giet die saffraanwater oor en stoom vir 5 minute oor hoë hitte.
8. Verlaag die hitte en laat die brejani verder stoom tot gaar, maar nie droog nie.
9. Versier met skyfies eier en bedien.

Bron: Kook saam Kaaps
Uitgewer: Lapa