Bederf jouself met dié soethappie.
Lewer sowat 32 porsies.
Bestanddele
- 200 g malvalekkers
- 385 g (1 blik) kondensmelk
- 30 ml botter
- 5 x 250 ml pofrysvlokkies (Rice Krispies)
- 50 g donkersjokolade, gesmelt
Metode
- Smelt die malvalekkers, kondensmelk en botter saam oor lae hitte en roer aanhoudend. Roer die pofrys baie goed deur.
- Voer ‘n bakplaat van 16 x 25 x 3 cm met kleefplastiek uit en smeer liggies met botter. Druk die mengsel eweredig daarin vas en laat dit in die yskas stol.
- Sny dit in diamantvorms en plaas dit op ‘n afkoelrakkie. Drup of spuit gesmelte sjokolade daaroor.
Bron: Blikkies & pakkies
Uitgewer: Lapa