Resep-video: Grenadella-yskastert

Grenadella-yskastert (Foto: Janie Monsieur/Maroela Media)

Hierdie resep is ʼn droom omdat jy geen afmetings hoef te doen nie. Een pakkie hiervan, een blikkie daarvan, meng saam, en siedaar – ʼn heerlik, maklike yskastert!

Lewer sowat 9 porsies

Bestanddele

• 1 pak (200g) Tennisbeskuitjies
• 1 pak (80 g) suurlemoenjellie
• 1 k (250 ml) kookwater
• 1 blik (397 g) kondensmelk
• 2 houertjies (220 g) grenadellapulp

Metode

1. Pak koekies onder in tertbak om kors te vorm.
2. Meng die jellie en kookwater tot opgelos en laat effens afkoel.
3. Roer die kondensmelk en grenadellapulp by die afgekoelde jellie. Skep die helfte van die mengsel op die koekies en maak glad.
4. Pak nog ʼn laag koekies en skep die ander helfte vulsel op. (Opsioneel: Versier met ekstra grenedellapulp bo-op.)
5. Laat stol vir ten minste 2 uur in die yskas voor opdiening.

Resep: Janie Monsieur