Resep-video: Mikrogolf-sjokoladekoek

Mikrogolf-sjokoladekoek. (Foto: Elsabé Erasmus/Maroela Media)

Geniet hierdie maklike, vinnige sjokoladekoek uit die mikrogolfoond saam met ʼn beker boeretroos.

Versier die koek met botterversiersel, karamelkondensmelk of sommer styfgeklitste room.

Bestanddele  

• 1 k suiker
• 1 k bruismeel
• knippie sout
• 3 e kakao
• 1 k warm water met 1 t kitskoffie, opgelos
• 2 eiers
• 4 e olie

Metode

1. Spuit ʼn mikrogolfbak met kleefwerende kossproei.
2. Meng al die droë bestanddele saam.
3. Gooi nou die res van die bestanddele by en meng alles goed.
4. Gooi die beslag in die voorbereide bak en plaas dit in die mikrogolfoond teen volle krag vir 7 minute.
5. Laat staan die koek vir 3 minute in die mikrogolf voordat jy dit verwyder.
6. Laat dit afkoel en versier soos verkies.

Al die Maroela-produkte wat jy in dié video sien, is in ons aanlyn winkel, Die Koöperasie, beskikbaar. Klik hier om dié mooi produkte te koop en jou kombuis in ’n plaaskombuis te omskep.