Resep: Burrito-slaai vir ʼn vegetariër

Burrito-slaai vir ʼn vegetariër (Foto: The South African Mushroom Farmers’ Association)

Smul aan hierdie kleurvolle slaai.

Genoeg vir 4 porsies

Bestanddele

• 15 ml avokado-olie
• 250 g wit knopiesampioene, in dik skywe gesny
• 45 ml Hoisin-sous
• 400 g bruinrys, gaar
• 2 baby cos-blaarslaai
• 2 vars mielies, gerooster en gaar
• 1 rooi soetrissie, gerooster en in skywe gesny
• 1 avokado, in skywe gesny
• 1 blik swartbone, gedreineer
• 45 ml olyfolie
• 15 ml ryswynasyn
• sout en gemaalde swartpeper

Om te bedien

• vars koljanderblare
• lemmetjiewiggies
• glutenvrye skyfies of nacho’s

Metode

1. Verhit die olie in ʼn pan en braai die sampioene vir 3 minute.
2. Voeg die Hoisin-sous by en kook vir 2 minute.
3. Voeg die bruinrys in opdienbakkies en rangskik die slaaiblare bo-op.
4. Voeg dan die geroosterde sampioene, mielies, soetrissies, avokado en swartbone by.
5. Klits die olyfolie, asyn en sout en gemaalde swartpeper saam en gooi oor die slaai.

Bron: Die Suid-Afrikaanse Sampioenboerevereniging

Maroela Media spog nou met ons eie resepteboek, Huis-huis. Koop dit hier.