Geniet hierdie lamsgereg as ʼn smaaklike Sondagmiddagete.
Lewer 6 porsies.
Bestanddele
- 75 g gedroogde appelkose, in stukkies gekap
- 250 ml rooiwyn
- 1 kg lamsrol, ontbeen
- ½ groen soetrissie, ontpit en in repies gesny
- 5 ml gekneusde knoffel
- sout en varsgemaalde swartpeper na smaak
- 15 ml olyfolie
- 1 blik (410 g) Franse uiesop
Metode
- Week die appelkoosstukkies in die wyn vir 1 uur.
- Dreineer en hou die appelkose en wyn eenkant.
- Voorverhit die oond tot 160 °C.
- Rol die lamsrol oop en strooi die appelkoosstukkies en soetrissierepies op die rol.
- Rol die lamsrol weer op en bind met tou vas.
- Vryf die rol met knoffel en geurmiddels.
- Verhit die olie in ʼn swaarboomkastrol en braai die rol ± 15 minute tot bruin.
- Plaas die rol in ʼn oondbak en gooi die sop en rooiwyn oor.
- Bedek die oondbak met foelie en bak die rol ± 1 uur (halfgaar) of 1½ uur (goed gaar). Laat dit ʼn rukkie rus nadat dit uit die oond gehaal is.
- Sny die lamsrol in skywe en rangskik op ʼn opdienbord. Gooi die sous oor die skywe en sit voor met bruinrys.
Bron: Tradisionele kos
Uitgewer: Lapa
Lyk lekker.
Wat is dit met groente en vrugte in die vleis? Om nie eers van die sop te praat nie.
Drink liewer die wyn.