Visvingers was nog nooit so lekker nie! En boonop sal oud en jonk hiervan hou.
Lewer sowat 6 porsies
Bestanddele
- 1 blikkie tamatie-en-uiesmoor
- 1 pakkie sampioensoppoeier
- 250 ml room
- Sout na smaak
- Peper na smaak
- 1 e Italiaanse kruie
- 1 groot pak visvingers
- 1½ k gerasperde kaas
Metode
- Verhit tamatie-en-uiesmoor en laat dit vir ʼn paar minute prut.
- Voeg sout, peper en Italiaanse kruie by.
- Voeg soppoeier en room by en roer goed.
- Pak ʼn laag visvingers onder in ʼn oondbak, giet die helfte van die tamatiemengsel daaroor en versprei dit met die agterkant van ʼn lepel of ʼn mes sodat dit die hele visvingerlaag bedek. Sprinkel die helfte van die kaas oor.
- Pak nou ʼn tweede laag visvingers, giet weer tamatiemengsel oor en rond af met kaas bo-op.
- Bak vir 50 minute teen 180°C.
So maklik en dit klink heerlik! Baie dankie.
Dankie vir die heerlike resep. Ek neem aan die visvingers is nog gevries? Of moet ek dit eers gaar maak?