Hierdie eenvoudige gereg is selfs lekkerder die volgende dag!
Bestanddele
- 45 ml olyfolie
- 2 uie, gekap
- 1 e Harvest Table- borrie
- 2 e kerriepoeier
- 4 hoenderborsies, in blokkies gesny of 2 koppies botterskorsie en patat vir vegetariese opsie
- 5 gekapte tamaties
- 2 e tamatiepasta
- 15 ml bruin of kokosneutsuiker
- 4 aartappels, in blokkies gesny
- 2 wortels, opgesny
- 4 e Harvest Table- aftreksel
- 500 ml water
Metode
- Verhit die olie in ʼn swaarboompan en voeg die uie, borrie en kerriepoeier by die olie. Braai tot die uie bruin word.
- Voeg die hoender (of bestanddele vir vegetariese opsie) by en braai liggies saam met die uiemengsel vir 5 minute.
- Voeg gekapte tamaties, tamatiepasta en suiker by en roer tot goed gemeng.
- Voeg die aartappels, wortels, water en aftreksel by.
- Meng al die bestanddele goed en laat prut tot die groente gaar is en die vloeistof verdik het tot ʼn sous. Dit sal ongeveer 10 minute neem.
Bron: The Harvest Table
Hoe SMAG my siel nie na kerrie. En rissiegeregte… Maar kry chemo en mag nie…