Die bekostigbaarste toegang tot die Lexus-handelsmerk is sy UX kompakte kruismodel.
Lexus, soos die moedermaatskappy Toyota, het van rigting verander om nuwe energie- voertuie (NEV) sy prioriteit te maak.
Dus is die besluit geneem om die UX-reeks slegs met hibriede dryfstelsels aan te bied.
Daar is drie modelle in die reeks: ʼn EX, SE en ʼn F-Sport.
Al drie maak gebruik van Lexus se atmosferiese 2.0 viersilinderpetrolenjin met hibridiese bystand. Die dryfstelsel bied 135 kW en 180+e Nm. Die enjin gaan gepaard met ʼn palwisseltransmissie wat krag na die voorwiele stoot.
Nul tot 100 km/h neem ʼn ratse 8,5 sekondes en die UX sal teen 177 km/h voluit toer. Dit is egter die brandstofverbruik wat teen 4,5ℓ/100 km beïndruk.
Al drie modelle is toegerus met ʼn indrukwekkende agt lugsakke en die volle suite van Lexus se veiligheidstelsels. Dit is egter die toevoeging van die F-Sport weergawe wat ʼn meer sportiewe voorkoms aan die UX-reeks gee.
Die binneruim van die nuwe F-Sport-model is pragtig met al die F-Sport-embleme en sportsitplekke.
Ons sal binnekort ʼn beurt kry om met die UX250h F-Sport te ry en sal dan ʼn meer omvattende resensie plaas.
Die reeks lyk só:
Lexus UX 250h EX | R745 100 |
Lexus UX 250h SE | R824 000 |
Lexus UX 250h F-Sport | R874 800 |
Die reeks word gedek deur ʼn 7 jaar/105 000 km-waarborg en omvattende instandhoudingsplan.
R874 800 – en om te dink ek het in 1983 ‘n splinter nuwe Ford Sierra 1600 uit die vertoon kamer uit bestuur vir R10000, en nog met R800 afslag! Oor 10 jaar sal die UX R1 200 000 kos.
Johan, buitensporige pryse vir n voertuig, huidige prys oor 10 jaar bereken teen 6% gaan dit oor die R1,5 m wees.