Argieffoto (Foto: Admiral_Lebioda/Pixabay)
Die motorbedryf is stadig uit die blokke aan die begin van die jaar met fabrieke wat moet heropen en uitvoere wat weer hervat moet word.
Teen Februarie was hulle egter volstoom aan die gang en dit wys ook met die puik verkope wat in die maand behaal is. Daar is 45 352 voertuie plaaslik van die hand gesit, 1 843 meer as verlede maand. Dis ʼn klein verbetering, maar die 9 873 meer uitvoere is ʼn enorme 48%-verbetering op Januarie.
Die topvyf handelsmerke vir plaaslike verkope lyk só:
| Toyota | 11 560 |
| Volkswagen | 5 288 |
| Suzuki | 4 309 |
| Nissan | 3 172 |
| Hyundai | 2 715 |
Die topvyf uitvoerders lyk só:
| Volkswagen | 7 778 |
| Mercedes-Benz | 6 892 |
| Toyota | 5 353 |
| BMW | 5 300 |
| Ford | 3 923 |
Die topvyf passasiersvoertuie in Suid-Afrika verlede maand is:
| Toyota Corolla Cross | 1 683 |
| Volkswagen Polo Vivo | 1 513 |
| Suzuki Swift | 1 367 |
| Toyota Starlet | 1 311 |
| Chery Tiggo 4 Pro | 962 |
Die topvyf ligtehandelsvoertuie lyk só:
| Toyota Hilux | 3 335 |
| Ford Ranger | 1 806 |
| Isuzu D-Max | 1 747 |
| Nissan NP200 | 1 292 |
| Mahindra Pik-up | 844 |
Noudat Ford se aanleg volstoom aan die gang is en uitvoere van sy nuwe Ranger begin het, sal ons die vervaardiger weer op ʼn gereelde basis in die topvyf sien. Alles bly egter reg loop vir Toyota terwyl daar ook geen einde aan Suzuki se stamina blyk te wees om aan die derde plek vas te klou nie.
