Suid-Afrika se plaaslike motorbedryf maak staat op twee hoofstrome van verkope – plaaslike verkope en uitvoere. Plaaslike verkope word weer in verskeie kategorieë opgedeel soos eenhede wat deur handelaars verkoop word, aan motorverhuringsmaatskappye of die regering.
Plaaslike verkope het in September effe gestyg teenoor Augustus, van 45 679 tot 46 021 eenhede. Die topvyf‑handelsmerke vir eenhede op eie bodem is:
| Toyota | 12 704 |
| Volkswagen | 6 316 |
| Suzuki | 4 478 |
| Ford | 2 807 |
| Hyundai | 2 665 |
Die topvyf‑passasiersvoertuie lyk só:
| Volkswagen Polo Vivo | 2 698 |
| Toyota Corolla Cross | 2 259 |
| Suzuki Swift | 1 291 |
| Toyota Starlet | 1 247 |
| Volkswagen Polo | 1 148 |
Die topvyfpresteerders in die ligtehandelsvoertuigsegment lyk só:
| Toyota Hilux | 3 249 |
| Ford Ranger | 2 413 |
| Toyota Hi Ace | 1 421 |
| Isuzu D Max | 1 639 |
| Nissan NP200 | 997 |
Dit bly vir my ʼn raaisel hoekom Nissan eenvoudig nie vastrapplek in die mark kry nie met sy Navara wat slegs 287 eenhede kon skuif.
Suid-Afrika se sewe motorvervaardigers kon ʼn indrukwekkende 36 247 motors in September uitvoer, ongelukkig ʼn 12,6%-daling teenoor verlede maand se 41 462.
Die topvyf‑uitvoerders vir September lyk só:
| Volkswagen | 11 402 |
| BMW | 6 230 |
| Toyota | 6 025 |
| Mercedes Benz | 5 905 |
| Ford | 5 536 |
Volkswagen bou die Polo, BMW die X3, Toyota die Hilux, Mercedes-Benz die C-klas en Ford die Ranger vir uitvoer na meer as ʼn honderd markte wêreldwyd.
