Renault het die perfekte gesinsbuks! Die Renault Duster bied sitplek vir vyf in perfekte gemak en daar is ʼn Duster vir elke smaak.
Die intreemodel spog met ʼn prys van slegs R289 900 en maak gebruik van ʼn kragtige 84 kW-enjin en 5-spoed-handratkas.
Die res van die reeks, die TechRoad, Dynamique en Prestige, spog met Renault se bekroonde 1.5-viersilinderturbodieselenjin.
Die TechRoad-handrat spog met 66 kW en 210 Nm met uitmuntende brandstofverbruik van so laag as 4,9 l/100 km. Die TechRoad-outo spog met 80 kW en 250 Nm gepaard met Renault se puik 6-spoed-dubbelkoppelaar‑ outomatiese ratkas. Hy kan 4,5 l/100 km haal.
Die luuksste Duster is die reeksleidende 1.5 dCi Prestige. Hy spog ook met 80 kW met 250 Nm en 4,5 l/100 km-brandstofverbruik.
Aan die binneruim kan jy luukshede soos ʼn raakskerm met Apple CarPlay, Android Auto, klimaat- en spoedbeheer, vier lugsakke, sluitweerremme met remkragverspreiding, vastrap- en stabiliteitsbeheer verwag.
Vir die avontuurlustige ontdekkingsreisigers is daar ʼn Renault Duster met vierwielaandrywing, navigasie en ʼn allemintige kattebak vir al jou benodighede. Vir die stadsjapie is die hele reeks perfek met puik brandstofverbruik én ʼn lieflike outomatiese ratkas vir die dorpsverkeer. Ongeag jou behoeftes – daar is ʼn perfekte Duster vir jou doeleindes.
Die Duster-reeks lyk só:
Renault Duster 1.6 Expression | 84 kW/156 Nm | 7 l/100 km | R289 900 |
Renault Duster 1.5dCi TechRoad | 66 kW/210 Nm | 5,1 l/100 km | R327 900 |
Renault Duster 1.5dCi Dynamique 4WD | 80 kW/260 Nm | 5,2 l/100 km | R361 900 |
Renault Duster 1.5dCi TechRoad outo | 80 kW/250 Nm | 4,8 l/100 km | R366 900 |
Renault Duster 1.5dCi Prestige | 80 kW/250 Nm | 4,8 l/100 km | R374 900 |
Die reeks word gedek deur ʼn 5 jaar/150 000 km-waarborg en 3 jaar/45 000 km-diensplan.
Bespreek ʼn toetsrit in ʼn Renault Duster hier en gee ná jou rit ʼn resensie en ontvang ʼn geskenkpakkie by Renault.