Foto: pixabay.com
Ons sal in liefde by die waarheid bly en so in alle opsigte groei na Christus toe. (Efesiërs 4:15)
Een van die foute wat mense maak in hulle pogings om geestelik te groei is om te aanvaar dat hierdie lewe in twee afsonderlike dele verdeel word: die geestelike en die materiële.
’n Geestelike persoon het ’n lewende belangstelling in mense en dit wat rondom hom gebeur. Soos wat hy deur die Gees van God groei, sal hierdie ondervinding weerspieël word in sy daaglikse lewe. Ware geestelikheid is uiters prakties. As jy in die krag van Christus leef, sal jy in staat wees om te verstaan dat die totale lewe vanuit God se gesigspunt benader moet word en dat alles onder sy heerskappy staan.
Die waarheid is dat jy na die beeld van God geskape is; daarom is jy ’n geestelike wese.
Dankie dat ek kan weet U is altyd by my en sal deur elke hindernis my hand kom vat. Amen.
Dankie Here dat U in ons lewens is. Dankie Here vir al U genade en seëninge. Amen !