106 meisies binne drie maande in PMB-omgewing verkrag

Argieffoto

Argieffoto

Altesaam 106 meisies onder die ouderdom van 12 is in die afgelope drie maande in die omgewing van Pietermaritzburg in KwaZulu-Natal verkrag, het The Witness Donderdag berig.

Dit is bykans ʼn derde van die 325 verkragtings wat sedert Julie tot September in die uMgungundlovu-distriksmunisipaliteit se omgewing by die polisie aangemeld is.

Dié statistiek is Woensdag tydens die sogenaamde “Sugar Daddies”-veldtog in Pietermaritzburg bekend gemaak. Die veldtog fokus op bewusmaking oor die maatskaplike euwel waar skoolmeisies deur “ouer mans met geld” uitgelok word.

Sthembile Dlamini, ʼn gesondheidsbeampte, het gesê die munisipaliteit het ook 821 geboortes van meisies onder 18 geregistreer.

Pietermaritzburg, Howick, Mpendle en Richmond val binne dié munisipaliteit.

– SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.