Die ANC, AfriForum en TLU SA gaan Woensdag om 12:00 in Pretoria ʼn gesamentlike mediakonferensie hou om ʼn belangrike aankondiging te maak rakende die Malema-haatspraakhofsaak. Die ANC en Julius Malema se aansoek om appèl teen die gelykheidshof se beslissing dat die “skiet die boer”-slagspreuk haatspraak is, is geskeduleer om Donderdag in die appèlhof in Bloemfontein aangehoor te word. Die saak teen Malema is deur AfriForum en TLU SA aanhangig gemaak.
Gwede Mantashe, die ANC se sekretaris-generaal, sal die party by die aankondiging verteenwoordig.