Burger King in Suid-Afrika

Die kitskosrestaurant, Burger King, sal die deure na sy eerste restaurant in Suid-Afrika in 2013 in Kaapstad oopmaak.

Burger King is die tweede grootste hamburger-kitskoskettinggroep in die wêreld en bedien tans sowat 11 miljoen mense daagliks uit sowat 12 500 restaurante in 82 lande.

Grand Parade Investments, die speletjies- en ontspanningsgroep, het ‘n kontrak met Burger King gesluit om ‘n hele paar takke in Suid-Afrika oop te maak. Die eerste een sal in Kaapstad gevestig wees. “Die aggressiewe groeiplanne sal na verwagting ‘n noemenswaardige bydrae lewer tot die Suid-Afrikaanse ekonomie en ‘n verskeidenheid poste beskikbaar stel,” het Hassen Adams, uitvoerende voorsitter van Grand Parade, gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae