‘n 8-jarige dogter en ‘n tiener word op verskillende dele van die land ter see vermis.
Die dogter word naby Mouille Point in Kaapstad vermis en die Nasionale Seereddingsinstituut (NSRI) het Dinsdag met twee bote en ‘n helikopter na haar gesoek. Die NSRI het intussen die soektog aan die polisie oorhandig, berig SABC News.
‘n 15-jarige seun word naby Port St John’s in die Oos-Kaap vermis nadat hy moontlik deur ‘n haai aangeval is. Hy het saam met ‘n paar mense by Second Beach geswem, waar ‘n paar noodlottige haai-aanvalle reeds die afgelope paar jaar plaasgevind het.
