Een man is dood en ʼn ander ernstig beseer nadat ʼn vragmotor en ‘n bakkie Donderdag op die Odendaalsruspad naby Welkom gebots het.
Volgens Chris Botha, ʼn woordvoerder van Netcare 911, het die ongeluk by die Corobrick-kruising plaasgevind.
“Die bestuurder van die bakkie is op slag dood, en sy passasier is in ʼn kritieke toestand. Die passasier is op die toneel gestabiliseer en na ʼn plaaslike hospitaal geneem vir verdere mediese sorg,” het Botha gesê.
Die bestuurder van die vragmotor is ongedeerd. Die polisie ondersoek die voorval.