Getuie het tref-en-trap-Mercedes se registrasienommer

Argieffoto

ʼn Ooggetuie het na vore gekom met die registrasienommer van die Mercedes Benz wat Vrydag vir Joshua O’Callaghan (11) ná ʼn rooftog raakgery en weggejaag het.

Beeld berig die ooggetuie het kort nadat die berig Dinsdag in die koerant verskyn het, na vore gekom.

Joshua se pa, Trevor, het gesê hulle is verlig dat dié inligting opgeduik het. Hy het ʼn saak by die Benoni-polisiestasie aanhangig gemaak. Volgens die ooggetuie het die bestuurder van die Mercedes ná die ongeluk gestop en uit sy voertuig geklim. Die man het na die kind gekyk wat in die middel van die snelweg gelê het, weer in sy voertuig geklim en weggery.

Joshua is Vrydag tydens die tref-en-trap-ongeluk beseer nadat hy hulp probeer ontbied het ná hy en sy oupa beroof is. Joshua en sy oupa, Lee Acorn, het by die Kleinfonteindam naby Benoni gaan visvang toe drie mans hulle daar oorval en Lee met staalpype geslaan het. Joshua het na die N12-snelweg gehardloop om hulp te ontbied toe die Mercedes hom getref het. Lees meer hier.

– Sapa

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Helizna Kilian ·

Wat is die nr! Laat ons as ‘n gemeenskap saamstaan en die boggem vastrek!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.