Kalifornië verbied homoterapie

Kalifornië het die eerste Amerikaanse deelstaat geword wat die omstrede terapie vir homoseksuele minderjariges verbied.

Voorstanders van die verbod voer aan dat die terapie geen wetenskaplike basis het nie, en ernstige sielkundige skade aan jongmense kan aanrig.

Voorstanders van die terapie beskou die verbod as ‘n skending van ouers se reg om keuses vir hul kinders te maak.

Gay-aktiviste is teen die terapie gekant omdat dit van die standpunt uitgaan dat homoseksualisme ‘n siekte is, wat genees moet word.

Die uitvinder van die terapie, Robert Spitzer, het hom intussen van die terapie gedistansieer en sy verskoning aangebied.

Hoewel gay huwelike in Kalifornië na ‘n hof-appèl wettig is, word dit in die meeste deelstate verbied of as onwettig beskou. Gay-kwessies maak ook deel van die Amerikaanse federale politiek uit.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Hoofnuus, Nuus, Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae