‘n Man van Puerto Rico is in hegtenis geneem nadat die polisie kokaïen in sy rolstoel opgespoor het.
Emmanuelli Rojas-Moraza (33) is by die Logan-lughawe in Boston, Amerika, in hegtenis geneem nadat meer as 3.7kg kokaïen in die bande van die rolstoel opgespoor is. Rojas-Moraza is Maandag op $45 000 borg vrygelaat nadat hy onskuldig gepleit het. Volgens die staatsaanklaer het doeanebeamptes agterdogtig geraak toe die rolstoel deur die X-straalmasjien beweeg het. Die dwelmmiddels is in die bande van die rolstoel opgespoor.
Dokters het later ook bevind dat Rojas-Moraza geen ooglopende mediese rede het om in ‘n rolstoel te wees nie. Een van sy bene was ook nie verbind of in gips nie.