Stellenbosch Kampus. Foto: US
Volgens paramedici van ER24 het hulle vroeg vanoggend ‘n oproep gekry dat ‘n student onder die brug naby die biblioteek lê. Die 22-jarige student het sowat 10m ver geval. Dit is egter nog nie duidelik wat presies gebeur het nie. Toe paramedici op die toneel gekom het, was daar geen ander student in sig nie. Die student is deur veiligheidspersoneel gekry en was in ‘n kritieke toestand nadat hy ‘n ernstige bors- en kopbesering opgedoen het. Paramedici het die student op die toneel behandel voor hy na die Stellenbosch Medikliniek geneem is vir verdere behandeling. Die polisie was op die toneel en sal die saak verder ondersoek.
