Meer as R3,9 miljard se eise teen gesondheidsdepartement

stetoskoop-225x225Die Gautengse departement van gesondheid staar glo regseise van R3,9 miljard in die gesig, het die DA Sondag gesê.

Jack Bloom, DA-LP, sê die bedrag is vroeër die week tydens ʼn vergadering van die provinsie se komitee vir openbare rekeninge bekend gemaak. “Die totaal is op van R2,7 miljard tot en met 31 Maart vanjaar en R1,6 miljard in die 2011/12 finansiële jaar.” Bloom sê daar is onder andere 326 siviele eise ter bedrae van R265 miljoen en 159 nooddienste-eise ter bedrae van R9,7 miljoen. Die departement kon nie vir kommentaar bereik word nie. Bloom sê die bedrag wat geëis word, is kommerwekkend aangesien die departement die afgelope drie jaar al sy sake rakende mediese nalatigheid verloor het. “Die vloedgolf van eise onderstreep die dringendheid daarvan om die standaard van gesondheidsdienste te verbeter ten einde te verseker dat daar minder foute gemaak word. Gehaltebestuur moet veral in kraamsale opgeskerp word aangesien talle eise die gevolg is van babas wat by geboorte beseer word.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
Daan

Hallo leon. Liewer vir wie hehe? Hou net die testosteroonvlakke in toom.

Trippie

Dankie Justi ! Lekker om te lag ! Maak my dae volmaak !

Seg

Daan kan ek jou net reghelp, indien jy dit nie weet nie, Trippie is inderdaad ‘n dame, en een in die ware sin van die woord.

Seg

Geniet dit maat, dit is lekker om met mense te gesels wat mekaar verstaan en nie agteraf is nie. Daar is ‘n tyd vir alles. ‘n Tyd om ernstig te wees en ook om die humor van die Afrikaner en hulle unieke taal en sin vir humor te geniet.

Daan

Dankie Seg dat jy die ou hande met die bekendstelling van die nuwe hande reghelp. Waardeer dit terneë.