‘n Vrou van Lesotho se liggaam is in Freedom Park-informele behuisingsgebied in Rustenburg gevind, het die polisie in Noordwes Vrydag gesê.
Die 30-jarige vrou se liggaam, is Donderdag sonder klere en met steekwonde aan haar bors en regterarm opgespoor, het kaptein Amanda Funani gesê, berig SowetanLive. Die polisie vermoed dat die vrou verkrag is voordat sy vermoor is.
Drie mense is intussen in hegtenis geneem en die polisie ondersoek die moontlikheid dat dié moord aan twee ander in die gebied verbind kan word. Die liggaam van ‘n 27-jarige man wat in sy kop geskiet is, is op 3 Junie in Freedom Park opgespoor. ‘n 30-jarige man wat met ‘n mes doodgesteek is, se liggaam is op 30 Mei opgespoor.
