Die Nasionale Seereddingsinstituut (NSRI) het Woensdag ‘n man by Houtbaai van verdrinking gered.
“Die man het in die moeilikheid beland terwyl hy saam met ‘n vriend in die rivier geswem het,” het Andrew Ingram, woordvoerder van die NSRI, gesê. “Sy vriend wou hom help, maar hy was nie ‘n sterk genoeg swemmer nie en het uiteindelik gesukkel om homself te red.” NSRI-vrywilligers het die man in 2m-diep water opgespoor. Hy is uit die rivier gehaal en KPR is toegepas tot paramedici opgedaag het. Die man is in ‘n kritieke toestand per helikopter na die Groote Schuur-hospitaal geneem.