Nuuskommentaar: Plaasmoorde nie tandetrekkery nie

Argieffoto

Die inspan van terreurdade deur plaasaanvallers laat opnuut die vraag ontstaan of gruweldade ’n politieke motief móét hê om as terreur beskou te kan word.

’n Eiesoortige vorm van terreur waarvan deesdae al meer gelees word, is dat die slagoffer(s) van plaasaanvalle moet hoor hoe die aanvallers onder mekaar bespreek of hulle die slagoffer(s), reeds hulpeloos vasgebind en beseer, gaan vermoor. Dat dié verhale vertel kan word, dui daarop dat ’n aantal wel oorleef het.

Om watter ander rede kon so iets binne hoorafstand van die slagoffers bespreek word, as om die huismense bykomende vrees in te jaag? In sommige gevalle is van die gesinslede, gewoonlik die boer, egter wel vermoor terwyl die ander moes toekyk, of ten minste kon hoor wat gebeur het.

Wie sal byvoorbeeld ooit vergeet hoe die kleuter, Willemientjie Potgieter, soos haar ma, van agter deur die kop geskiet is? Willemientjie moes waarskynlik toekyk hoe haar pa met ’n panga doodgeslaan en vermoedelik met ’n tuinvurk gesteek is. Willemientjie se grootste ideaal destyds was om ’n lofkleuter van die Kinderkrans te word.

Volgens berigte het ’n Oos-Kaapse boer, geblinddoek, geluister hoe die terroriste (want eintlik is hulle niks anders nie) debatteer of hy doodgemaak moet word. Ook ander duik in die argiewe op. Moontlik die grillerigste is die boervrou wat met ’n elektriese boor gemartel is nadat sy moes toesien hoe haar man wreed vermoor word.

In Engels word die verwantskap tussen woorde soos terror, terrorised, terrorist maklik raakgesien. Daar is duidelik ’n taktiese inspan van terreur – moontlik om latere slagoffers by voorbaat “sag” te maak en so sonder veel marteling uit te wys waar die “warm” geld, of die geld vir lone, weggesteek word. Die ander opsie is dat die plaasaanvallers ’n streep masochisme onder lede moet hê.

Hierdie politiek inkorrekte ontleding sal baie teenkanting kry, veral van akademici wat stompsinnig probeer aantoon dat plaasaanvallers die aanvalle uitvoer sonder politieke of rasmotiewe. ’n Nuwe boek van Ernst Roets, adjunkvoorsitter van AfriForum, speel klaar met dié naïwiteit.

Hoewel terrorisme en politieke terrorisme dikwels as sinoniem voorgehou word, is die twee begrippe nie noodwendig dieselfde ding nie. Soms word terreur om ander redes gepleeg. Politieke motiewe speel egter so dikwels ’n rol dat dit menigmaal as sinonieme beskou word.

Die afwesigheid van ʼn politieke motief kan nie die elemente van terreur uit dade haak wat ontwerp is om mense te terroriseer nie.

 

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Nuuskommentaar

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Eish

Dit is presies wat dit is, terrorisme.
Die meerderheidregering is heeltemal bewus hiervan, ” Bury them alive”
Xenofobie in stadige aksie.
Daar is hoegenaamd geen plek vir blankes in die helhool as landsburgers nie.

ne

Begin soek by die EFF daarna die ANC. Hulle HAAT blankes, en glo as hulle die boere vermoor kan hulle die grond net vat!

Al

Dis naiëf om te dink dat plaasaanvalle en moorde nie polities gedrewe is nie – daarvoor is daar te veel politieke uitsprake oor die afgelope 2 dekades wat dit bewys.
Bemark Ernst Roets se boek internasionaal

Jacques

Dit is net vir my snaaks dat die “terroriste” soos hier genoem word items of wapens gebriuk wat deer wit mense ontwerp en gebou is . As hulle dan so slim is hoekom nie hulle eie wapens ontwerp en bou nie . Dit is maar net n vraag wat al baie lank by my spook ??
Dit is net baie tragies dat ons boere so behandel word en die regering dink daar is niks fout nie , of hoe Mev . Sisulu ??

Gemaskerde Sopbeen

Dit bly tog teleurstellend hoe gesteld ons daarop is om die waarheid te versag deur “politieke korrektheid” voorop te stel wanneer ons die onderwerp bespreek. Solank ons nie die ruggraat (terwyl ek as oud Weermag-lid heel ander liggaamsdele in gedagte het) het om ‘n ding te noem soos hy is nie, sal ons ook nooit by die oplossing daarvan uitkom nie. In enige weermag is ‘n erkende opleidingsmetode om die groep te straf vir die oortreding van die individu……….waarna die groep dan die individu in lyn trek. As sekere lede van ‘n bevolkingsgroep aanhou om hierdie dade te pleeg……behoort die… Lees meer »