Pa in hof oor skietdood van kêrel en die se pa

Retief Liebenberg en sy dogter Chevonne. Foto: Facebook

Retief Liebenberg en sy dogter Chevonne. Foto: Facebook

Retief Liebenberg (47) sal na verwagting vandag in die Boksburg-landdroshof verskyn in verband met die moord op sy dogter se kêrel en die se pa.

Liebenberg het Poena Visser (19) en sy pa, Dewalt (46), glo verlede week Donderdag in sy huis in die Ebotse-gholflandgoed in Benoni doodgeskiet. Volgens Beeld het Liebenberg glo nie die verhouding tussen sy dogter, Chevonne (20), en Poena goedgekeur nie. Hy het glo gerugte gehoor dat Poena dwelms gebruik het. Liebenberg het op die dag van die skietery glo by die huis gekom en Poena daar gevind nadat hy hom glo vroeër belet het om sy dogter te sien. Poena het glo sy pa na die huis ontbied waarna ʼn struweling glo uitgebreek het. Poena en sy pa is verskeie kere geskiet en is op die toneel dood. Liebenberg het reeds in die hof verskyn en die saak is tot vandag uitgestel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

11 Kommentare

jongste oudste gewildste
Seg

Julle kan nou seg wat julle wil, maar ‘n pa, wat vir sy dogter omgee, alles moontlik doen om haar te beskerm, in hierdie geval selfs moord. Ek weet. Ek het twee dogters.

Heidi

Ja ek dink elke ouer sal enige iets doen om sy of haar kinders te beskerm. MAAR als omtrent die storie is BAIE BAIE “fishy” en ook oor die feit dat my dogter saam met altwee op skool was. En nou dat Poenie (Dewalt) en sy pa nie hier is om hulself te verdedig nie nou word hul uitgemaak as die slegtes en Retief Liebenberg en Chevonne word uitgebeeld as die slagoffers. Vandag begrawe familie en vriende ‘n pa en ‘n seun. Ja Poenie het dalk gejaag met sy kar en so aan maar watter jong man doen dit nie!!!… Lees meer »

Johan Botha

Dis ‘n hartseer storie en so onnodig, maar soos ek dit verstaan het die windgat Poena en sy pa, Mr Liebenberg in sy eie huis aangevat. Logika se vir my die man (Liebenberg) het alle reg om die mense uit sy huis te jaag en as hul hom dan dreig of aanval, homself en ander te beskerm deur te skiet. En dit nadat hy reeds die huis belet was. Kan jy jouself voorstel hoe laks die Poena en sy pa moes gewees het om die man in sy eie huis te kom aanvat? Poena se vorige meisie se pa moes… Lees meer »

Heidi

Ek glo nie eens bullebakke sal so dom wees om in ‘n landgoed met sekuriteit iemand te wil aanval nie!
En hoekom hul elk 4keer skiet en Dewald snr in die rug en sy?????? Bel die sekuriteit en die polisie nee wat ek dink daar was vir hul gewag en beplan om hul te skiet. Maar hul is nou nie hier om hulself te verdedig nie so nou sal hul as die gemors uit gemaak word.

Daar is ‘n konfooi met plakkers op die karre te ere van die pa en seun vandag en BAIE het hul geken as goeie mense!

Judy Smit

Ag nee rerig Johan? Niemand verdien om so dood gemaak te word nie!!! Maak nie saak hoe windgat iemand is nie! Hoe kan enige iemand net 2 mense se lewens so be-eindig????