Plaasaanval: Boervrou en buurman keer vier verdagtes aan

Argieffoto

Vier vermeende plaasrowers is Vrydagoggend op ʼn plaas naby Delareyville in Noordwes aangekeer terwyl hulle glo besig was om ʼn 70-jarige boer en sy vrou (56) te beroof.

Sers. Kelebogile Moiloa, ʼn polisiewoordvoerder, het gesê vier mans het omstreeks 06:00 die vrou oorval toe sy buitentoe gegaan het om die honde uit te laat. Een van die aanvallers het die man en sy vrou aangerand en in twee aparte kamers toegesluit.

“Die vrou kon deur ʼn venster uit die huis ontsnap en het na haar bure gehardloop vir hulp. Die buurman het saam met die vrou teruggekeer na die huis toe. Die verdagtes was steeds in die huis doenig,” het Moiloa gesê.

Die buurman het vermoedelik twee van die verdagtes in die boud geskiet, waarna die ander twee aangekeer is. Die polisie is ontbied en het al vier verdagtes, tussen die ouderdom van 20 en 30, in hegtenis geneem. Die twee wat geskiet is, is onder polisiebewaking in die Delareyville-hospitaal.

Die verdagtes moet na verwagting Maandag in die Delareyville-landdroshof verskyn. Hulle word aangekla van poging tot roof en aanranding met die doel om ernstig te beseer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
P. van der walt

Die buurman moes meer as net hulle in die boud geskiet het.

Antonie

Poging tot roof? Dis n grap, dit was dan roof!?

Johan van den Berg

Ek hoop net nie die donners leef nog nie!! Want as hulle geslaag het en nog n boer vermoor was, het hulle niks oorgekom nie!!

Linda

Ongelukkig is dit poging tot roof hulle het nie weg gekom met iets nie so kan ni roof wees ni maar hoop hulle sit lank

Fred

Skiet die bliksems en voer hulle vir die leeus.