Die minister van polisie, Nathi Mthethwa. Foto: GCIS
ʼn Woordvoerder van die ministerie van polisie, Zweli Mnisi, sê ʼn skootrekenaar en selfoon het Saterdag van die minister se huis vermis geraak hoewel daar nie by die huis ingebreek is nie. Die sersant is Maandag in hegtenis geneem nadat die gesteelde goedere teruggevind is. Nog twee mense is in hegtenis geneem wat glo die gesteelde goedere by die sersant gekoop het. Die drie mans sal na verwagting Woensdag in die Wynberg landdroshof verskyn.
