“Profeet” Kobus van Rensburg sterf

Kobus van Rensburg Foto: Facebook

Kobus van Rensburg Foto: Facebook

Die selfverklaarde profeet, Kobus van Rensburg, is Saterdagoggend omstreeks 03:30 dood ná ʼn lang stryd teen kanker.

Van Rensburg was ʼn outeur, televangelis en omstrede “geloofsgeneser”. Hy was die stigter van Spirit Word-bedieninge. Volgens sy bediening was lewe en dood ʼn keuse, en mense kan kies om vir ewig te leef sonder om te sterf. Hy het ook geglo dat mense vooruitstrewend kan leef deur Bybelse finansiële beginsels na te volg.

Van Rensburg se volgelinge glo vas hy sal soos Lasarus in die Bybel uit die dood opstaan. Sy lyk is na die kerkgebou by Stilfontein geneem, sodat lidmate vir hom kon bid. “Ons neem Profeet se liggaam na Spirit Word as iemand wil bid,” het die gemeente op hul Facebook-blad geskryf.

James Swift van Pneuma Pathways-gemeente in Centurion het sy medelye betoon met Van Rensburg se naasbestaandes. “Ek is baie hartseer oor Kobus van Rensburg se afsterwe,” het Swift aan Maroela Media gesê. “Alhoewel ek en meeste van die liggaam van Christus nie met Kobus se sieninge saamstem nie, is dit ‘n hartseer dag wanneer ‘n man met soveel invloed in die koninkryk sterf. Ons bid vir sy gesin, geliefdes en gemeente in hierdie moeilike tyd.” Swift het ook uit die Bybel aangehaal:

Ons het saam met Christus gesterwe; daarom glo ons dat ons ook saam met Hom sal lewe. Ons weet dat Christus wat uit die dood opgewek is, nie weer kan sterwe nie; die dood het nie meer mag oor Hom nie. Hy het gesterwe en is eens en vir altyd vir die sonde dood. Nou lewe Hy, en Hy lewe vir God. Julle moet dus altyd onthou dat ook julle vir die sonde dood is, maar vir God lewe, omdat julle een is met Christus Jesus.” -Romeine 6:8-11

Joost van der Westhuizen, die oud-Springbok wat aan die terminale en ongeneeslike motorneuronsiekte (MNS) ly, het in September ʼn diens by Spirit Word bygewoon.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Elize Mans

Hierdie man is nie Jesus nie,Julle kan maar bid dat julle blou word.Mense wat mense gesond bid,moet n geloof he.Maar dit wat nou gedoen moet word,nee ek glo nie.
Hulle moes vir hom gebid het toe hy nog geleef het,om gesond te word.Nou is dit klaar te laat.

Gawie Botha

Hier het ons n les te leer,dat jy sal nooit weet,wat jy weet ,reg of verkeerd is!

Gemsbok

As Christene vind ons dit maar moeilik om nie ons tentpenne te diep in hierdie tydelike, sondige wêreld in te slaan nie.

Pieter

Sorry Kobus en trawante. Hy was nog besig met die kaping in Mosambiek.

Marius

Joh. 8 staan daar; Jy sal die waarheid ken en die waarheid sal jou vrymaak. Hier het ons te doen met ‘n groep mense wat in ‘n waarheid glo en dit maak hul vry, en niemand gaan hul denkrigting verander nie. Net so is daar weer baie ander groepe mense wat weer ‘n ander waarheid aankleef en dit maak hul weer vry. In ‘n tydperk waar ons alle groepe respekteer, kom ons maak dan maar so en laat die mense glo wat hul wil, niemand gaan hul verander nie en niemand gaan jou verander nie.