18 ‘stropers’ vas in wildtuin

Foto: SANParke

Foto: SANParke

Agttien vermeende stropers is in die afgelope sewe dae gedurende teenstropingsoptrede in die Kruger-wildtuin vasgetrek.

SANParke het die inhegtenisnemings op sy amptelike Facebook-blad bevestig en gesê daar is ook op tien vuurwapens beslag gelê.

Volgens ʼn verklaring van SANParke is nog sewe vermeende stropers vroeër vandeesmaand buite die wildtuin in hegtenis geneem tydens ʼn gesamentlike operasie tussen SANParke en die polisie. Tydens hierdie operasie is daar op twee vuurwapens beslag gelê. In Oktober is nog 14 vermeende stropers tydens teenstropingsoptrede in hegtenis geneem.

Die inhegtenisnemings is op verskillende plekke binne die wildtuin, sowel as reg buite die grense van die wildtuin gedoen. SANParke se veldwagters en honde-eenhede, die weermag en die polisie het gehelp om die vermeende stropers vas te trek.

Glenn Phillips, bestuurshoof van die wildtuin, het gesê saam met die volmaan vermeerder die aantal indringers, verdagte spore en ander stropingsverwante aktiwiteite in die wildtuin. “Dit hou ons teenstropingspanne baie besig. Stropers, wees gewaarsku. Julle kan nie vir ewig wegkom met wildsmisdaad nie. Die strop is stadigaan besig om al nouer te trek,” het Phillips gesê.

Hy het almal betrokke by die inhegtenisnemings gelukgewens en beklemtoon dat SANParke alles in sy vermoë doen om stropery stop te sit. “Ons doen weereens ʼn beroep op die publiek om enige wildsmisdaad by 013 735 0197 of 076 801 9679 aan te meld,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
sdl

Wat n wonderlike dag. 13 plaas aanvallers gevang nou 18 stroopers. Dan kry ons nog reën ook. Loof en prys ons Hemelse Vader????????

gert

Ek stem saam met jou. O blye dag!! Jammer die leeus het hulle nie opgevreet nie.

Hendrik

SANParke en SAPD. Baie geluk en jul fantastiese werk. word waardeer

Ton&Herma from the Netherlands

SanPark baie goed en jul fantastiese werk word waardeer save the animals

Buitestander

Vir elke stroper wat gevang word staan daar ander 2 op.
Hou moed stryd kan geven word