2 ‘rowers’ tydens huisroof doodgeskiet

polisie-huisroof-crime

Argieffoto: SAPD/Facebook

Die polisie ondersoek ʼn saak van huisbraak en poging tot moord nadat twee vermeende huisrowers Maandag in die vroeë oggendure tydens ʼn huisroof in Lenasia in Johannesburg doodgeskiet is.

Kapt. Hector Netshivhodza, woordvoerder van die polisie, het aan Maroela Media gesê ʼn ouerpaar was vanoggend saam met hul seun en dié se vrou in hul huis toe hulle omstreeks 01:00 ʼn geluid in die erf gehoor het.

Die pa en seun het na buite gegaan om ondersoek in te stel. Drie gewapende rowers was op dié stadium reeds in die erf en het die pa en seun oorval en terug in die huis ingedwing, sê Netshivhodza.

Die pa, ma en seun is in die eetkamer van die huis vasgebind waarna die rowers die huis geplunder het. Die seun se vrou het egter vroeër in ʼn kamer gaan wegkruip toe haar man en skoonpa uit is. Sy kon daarin slaag om haar pa te bel om hulp te ontbied.

Volgens Netshivhodza het die vrou se pa die plaaslike buurtwag ontbied en hulle is saam na die huis toe. Hulle het die rowers op heterdaad in die huis betrap waarna die rowers op hulle losgebrand het.

“ʼn Skietery het tussen die rowers en lede van die gemeenskap ontstaan waartydens twee van die rowers doodgeskiet is. Die derde rower kon daarin slaag om weg te hardloop,” het Netshivhodza gesê.

Dié derde verdagte is nog op vrye voet.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Daan

Moet nie in die nag uit jou huis gaan nie! Selfs ook nie in die dag wanneer jy vreemde mense in jou erf hoor nie. Sluit jou deure,kry jou vuurwapen,bel vir hulp en druk die paniekknoppie. Skakel al die binneligte af en buiteligte aan.

Dries du Toit

Minderhede word uitgemoor. Klein besighede spandeer miljoene aan sekuriteit om hulle goed sonder sukses te beskerm. Werksgeleenthede word sodoende verminder. Diefstal word die enigste opsie en uiteindelik bly niks oor nie

Blondie

Daan se stelling is so in die kol. Die meeste mense wil mos gaan kyk. Jy bly in jou huis. Laat die sekuriteitsmense hulle kom uitsort. Daarvoor is hulle opgelei. Dis ‘n dom besluit om te wil gaan kyk. Hierdie mense kan bly wees hulle het nie met hulle lewens daarvoor betaal nie.

Grapjas

@lg. Wat is jou idee van paraat wees? Paraat is om ten volle bewis te wees oor wat in jou direkte omgewing aangaan en te weet waar en hoev mense daar is. versigtig wees is om in jou huis te bly en te wag hulle dop te hou sodat jy die oorand het, die verrassings element in jou kant te kan he. Wat jy beskryf is nalatig en onverantwoordelik, dis hoe 90% van geslagde moorde ne anvalle gebeur, as jy wakker is as hulle jou eiendom betree en jy bly in jou huis en kyk onopsigtelik deur jou vensters om… Lees meer »

humor

“Hou tog op om raad te gee.” Weet jy hoeveel boere en kleinhoewebewoners nog nie eens n veoligheidsheining om hul huise het nie.