2 vas oor gesteelde polisievoertuig

Argieffoto ter illustrasie (Quantum-minibus)

Argieffoto ter illustrasie (Quantum-minibus)

Twee mans is in hegtenis geneem nadat vyf gesteelde motors, insluitend ʼn minibus van die polisie, in hul besit gevind is.

“Die mans is Vrydag in Senoane in Soweto in hegtenis geneem nadat lede van die Johannesburg-misdaadbekampseenheid en die blitspatrollie ʼn wenk ontvang het,” het hoofsuperintendent Wayne Minnaar, woordvoerder van die Johannesburgse metropolisie, gesê. “Die twee mans, in hul vroeë 30’s, het drie Quantum-minibusse, een Corsa-voertuig en ʼn Sonata-motor in hul besit gehad. Die voertuie is vroeër as gesteel aangemeld.”

Volgens Minnaar is een van die Quantum-bussies ʼn polisievoertuig wat in Maart 2015 gesteel is. Die voertuig is van al sy polisiekentekens gestroop en wit geverf.

“Dieselfde verdagtes is in April in hegtenis geneem in verband met ʼn gesteelde Ford Territory,” het Minnaar bygevoeg. “Die verdagtes sal binnekort in die Protea-landdroshof verskyn op aanklag van die besit van gesteelde voertuie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

1 Kommentaar

jongste oudste gewildste
CHRISTA

Hoe kan 2 verdagtes 2 maal in 2 maande gearresteer word vir dieselfde misdaad? Hoe het hulle weer op straat gekom – ons tandelose regters, hulp deur ons tronkbewaarders of polisie wat weer omgekoop is?