Aktrise wat op kleinhoewe geskiet is se naam bekend

Cicilia “Celia” Kriel. Foto: Facebook

Die aktrise wat Woensdagoggend op ʼn kleinhoewe wes van Centurion aangeval is, se naam is bekend.

Maroela Media het verneem die 47-jarige vrou is Celia Kriel. Volgens ʼn familielid, wat anoniem wil bly, was sy al ʼn agtergrondspeler in onder meer Binnelanders, 7de Laan en Getroud met rugby en het sy glo ook die hoofrol in die verhoogproduksie Othello gespeel.

Maroela Media het vroeër berig sy is omstreeks 00:10 op ʼn kleinhoewe in haar huurhuis in die Hills & Dales-gebied wes van Erasmia deur drie gewapende mans aangeval.

“Na wat verneem word, was sy alleen in die huis. Skote is afgevuur en sy het twee ernstige skietwonde opgedoen,” het Chris Botha, woordvoerder van Netcare 911, vroeër in ʼn verklaring gesê.

Paramedici van Netcare 911 het haar in ʼn ernstige maar stabiele toestand aangetref. Sy is op die toneel behandel en na ʼn nabygeleë hospitaal geneem vir verdere behandeling.

Marius Müller, nasionale veiligheidskoördineerder van AfriForum, het vroeër aan Maroela Media bevestig drie gewapende mans het die vrou beroof, geskiet en ook met ʼn baksteen in haar gesig geslaan. Hulle het te voet gevlug met ʼn selfoon, geld en ander waardevolle besittings.

ʼn Buurman het glo die skote gehoor en gaan ondersoek instel, waarna hy hulp ontbied het.

Kol. Lungelo Dlamini, provinsiale polisiewoordvoerder van Gauteng, het aan Maroela Media bevestig die polisie ondersoek ‘n saak van huisroof. Niemand is nog in verband met die voorval in hegtenis geneem nie.

Cicilia “Celia” Kriel. Foto: Facebook

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

84 Kommentare

jongste oudste gewildste
E...

………omtrent n bekende aktrise……..

Koos

Is julle lot MM lesers nóú gelukkig?

m

Sjoe iewers het ek iets gemis want ek het haar nog nooit in enige van die sepies gesien nie. Sterkte dame hoop jy voel gou beter.

T

Baie sterkte! …………..Heeltemal onbekend.

Scalla

As ek weer n foto van die aktrise sien sal dit die tweede keer wees. Sterkte aan die vrou, hoop die aanvallers word gekry en word gestraf.