ANC-hoë se vrou skuldig aan bedrog

Portia Sizani (Foto: ENCA.com)

Portia Sizani, die vrou van voormalige ANC-hoofsweep en deesdae Suid-Afrika se ambassadeur aan Duitsland, Stone Sizani, is Vrydag skuldig bevind aan 15 aanklagte van bedrog en nege aanklagte van geldwassery in die Port Elizabeth- kommersiële handelsmisdaadhof.

Sizani het die Oos-Kaapse departement van onderwys uit meer as R1,2 miljoen bedrieg deur vervalste aansoeke vir graad R-onderwysposte te verwerk.

Sy was in daardie stadium die distrikskoördineerder vir vroeë kinderontwikkeling en het glo “spookonderwysers” aangestel en tussen 2009 en 2010 na bewering hul salarisse in haar sak gedruk.

Landdros Mputumi Mpofu het gesê Sizani was die “opperbrein” wat weerlose mense misbruik het met die belofte dat sy hulle poste in die departement sal gee. Mpofu het gesê Sizani het voordeel getrek uit die slagoffers se onkunde en hulle geteister om geld aan haar oor te betaal.

Mpofu het Sizani ook gekritiseer dat haar verdediging niks verder gegaan het as blote ontkenning nie.

Sizani het emosieloos in die beskuldigdebank gesit terwyl die uitspraak gelewer is en het agterna met haar regspan gepraat.

Sy is vroeër onskuldig bevind op ses aanklagte van geldwassery en een aanklag van bedrog.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Hennie

Moet haar seblief tog nou nie te hard foeter oor daai brose handjies van haar nie! Onthou net, sy moes al daai geld nog loop blaas het ook…en dis harde werk!

NET EK

Lekker uitgevang neh !!!!! Maar ja kom ons sien wat met haar gaan gebeur ……. seker niks

Wonner

Sy gaan seker nou gepos word Duitsland toe na haar man toe waar sy in weelde kan verder lewe !!!

Klip in die bos

Nog n toevoeging van ‘n massastuk op die skaal van die anc se demokratiese regering.

Johan

Gewoonlik kry oortreders soos sy gou bevordering. Sy word dalk een van die dae nog ‘n Minister. Wie weet?