Bafana Bafana het glo voldoende wit en bruin spelers

Argieffoto Foto; Andy03, Pixabay

Argieffoto Foto: Andy03, Pixabay

Die ANC-regering is tevrede dat wit en bruin regverdig behandel word en genoeg speelkans kry in die land se nasionale sokkerspan, blyk dit uit antwoorde van die sportminister op geskrewe parlementêre vrae van die VF Plus.

“Dit is nieteenstaande die feit dat daar in die afgelope Saterdag se Suid-Afrikaanse nasionale sokkerspan net een wit speler uit ʼn groep van 17 was, en daar tans net een wit en twee bruin spelers in die eerstespan-groep van 27 is,” het Anton Alberts, woordvoerder van die party, in ʼn verklaring gesê.

Die Bafana Bafana-groep vir die wedstryd die afgelope naweek in Dobsonville, Soweto, het bestaan uit: Begin elftal: Khune (c), van Heerden, Gumede, Letlabika, Mngonyama, Motupa, Nyatama, Masango, Twala, Ntshangase, Gabuza. Die plaasvervangers was: Mabokgwane, Madisha, Mabena, Mxoyana, Ntuli, Wana.

“Volgens die sokkerwebwerf KICKOFF.com blyk dit dat net Marc van Heerden en die twee bruin spelers, Rivaldo Coetzee en Clayton Daniëls, tans goed genoeg vir die sukkelende span geag word,” het Alberts bygevoeg. “Die stand van sake en die antwoord van minister Fikile Mbalula is betreurenswaardig, aangesien die minister verlede jaar aan homself en verskeie ander persone die onderneming gegee het om stappe te doen om meer wit en bruin spelers vir die span te laat speel.”

Dit was nadat ontevredenheid ontstaan het oor die regering se aandrang dat ʼn sekere aantal swart spelers in die nasionale rugbyspan opgeneem moet word.

Die minister se volledige antwoord op Alberts se vrae lui dat alle sportspanne moet transformeer om aan die nasionale demografie te voldoen, en dat die “huidige sokkerspan sowat 80% swart-, 9% bruin/Indiër-, en 9% wit spelers het”. “Dit beteken dat wit-, bruin- en Indiërspelers die geleentheid kry om gekies te word,” lui die antwoord.

Alberts het gesê dit is jammer dat die minister, nieteenstaande die bewyse op die veld, die publiek so probeer mislei. “Die hele land het Woensdag saam die Springbokke se wêreldbeker-oorwinning van 20 jaar gelede gevier. Dit was een van die min ware oomblikke van nasiebou wat die land beleef het. Tog sal die regering aanhou om met politieke inmenging ons sportspanne af te breek tot hulle in middelmatigheid verval soos met Eskom en die land in sy geheel gedoen word,” het hy afgesluit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

15 Kommentare

jongste oudste gewildste
Peet Schabort

Boikot net die rugby maar die wittetjies wil nie leer en kan ook nie saamstaan.

Christa

Ons is die enigste land in die wêreld wat ons spanne handicap en dan van hulle verwag om teen die res se bestes te wen! En watter boodskap word in die proses oorgedra? Dat ons swartvspelers te sleg is om op meriete in die span opgeneem te word? Wat ‘n klap in spelers soos Elton Jantjies en Brian Habana se gesigte? Want so word elke gekleurde speler gereduseer tot ‘n kwota speler

Anne-Marie Prinsloo

Crap man net hulle glo hulleself!

koos

kies n span soos hulle…as jy sê die swartes nie goed genoeg vd span nie, word ons gedreig en kapoef! Hele rugby span swart.
wat sou gebeur het as ons nie die wereldbeker toe gewen het nie?..sou dit steeds nasiebou gewees het?

Debs

Wat ‘n pot chol !!!!! ek het gewonder wanneer gaan iemand begin krap … in sokker span