Beampte skiet glo 3 dood, neem eie lewe

Die woonstelblok waar die skietery plaasgevind het. Foto: Sibonelo Ngcobo/ANA

Die polisie vermoed in die stadium dat die metropolisiebeampte wat in die Durban-skietery dood is, selfmoord gepleeg het nadat hy op ʼn groep mense losgebrand het.

Daar is intussen bevestig dat ʼn vierde persoon wat tydens die skietery kritiek beseer is, in ʼn hospitaal gesterf het.

Die beampte en twee mense is Maandag op die toneel dood verklaar na die skietery by ʼn woonstelblok in die Durbanse middestad net agter die hooggeregshof. Vier mense is tydens die skietery gewond.

Foto: Sibonelo Ngcobo/ANA

Die 39-jarige beampte wat aan die Albert Park-stasie verbonde was, was nie aan diens ten tyde van die voorval nie. Die skietery het in die beampte se woonstel op die eerste verdieping van die woonstelblok plaasgevind.

Kol. Thembeka Mbele, polisiewoordvoerder, het gesê die polisie ondersoek drie sake van moord, vier sake van poging tot moord en het ʼn geregtelike doodsondersoek na die beampte se selfdood geopen.

Paramedici het die toneel as ʼn “bloedbad” beskryf. Mbele het vroeër bevestig dat op ʼn vuurwapen beslag gelê is.

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Wielspore ·

‘n Onstabiele person behoort nie ‘n vuurwapen te besit, al is hy ‘n polisieman

IK ·

Eie wapen of polisiewapen? Nogtans ‘n hartseer gebeurlikheid.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.