Binga die gorilla veilig ná ontsnapping by Pta-dieretuin

Die Pretoriase dieretuin. (Foto: Facebook)

ʼn Gorilla wat vlugtig uit sy kamp by die Pretoriase dieretuin ontsnap het, is weer ongedeerd terug.

Die dieretuin het gesê Binga, ʼn 17-jarige gorilla, was minute ná sy ontsnapping weer terug in sy kamp en dat “niemand in enige stadium in gevaar was nie”.

“Gepaste noodprosedures is gevolg om te verseker dat besoekers, personeel én Binga almal veilig is. Binga sal ekstra aandag van die veeartse kry terwyl hy van die ervaring herstel,” het die dieretuin Vrydag gesê.

“Die dieretuin het hoogs opgeleide personeel wat weet hoe om sulke voorvalle te hanteer. Daar is ook borde wat aan besoekers verduidelik wat om te doen as ʼn dier sou ontsnap. Ons kan bevestig dat geen lewens in gevaar was nie.”

ʼn Ondersoek is gelas om vas te stel hoe Binga uit sy kamp gekom het.

Hy is lid van ʼn groep mannetjies wat deel vorm van die program vir Europese bedreigde spesies by die dieretuin.

“Binga het in 2010 by die dieretuin in Pretoria aangekom en bring sy tyd meestal saam met Bonsenga, die dominante mannetjie in die groep, deur. Hy is baie teruggetrokke en skaam.”

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
Poppie

Tien teen een was Binga nie lus vir Bosenga se baasspelerigheid nie en het op vlug geslaan….

Karlahari

Binga voel nie meer veilig in SA nie en wil terug Europa toe…..

Lol

Binga wou die munisipale staking optogte bywoon.

John

Was dit nie uit Johannesburg se diertetuin nie? Ons het gedog iets groots moes…

George in Bloem

Daar is soveel dinge wat gese kan word aangaande die berig maar liewers nie………hahahaha!