Die polisie in Caledon in die Wes-Kaap ondersoeke sake van poging tot moord en betreding ná ʼn voorval op ʼn plaas naby Botrivier Vrydagoggend om 06:00.
Kapt. FC van Wyk, woordvoerder van die polisie, sê ʼn 72-jarige boer is na ʼn nabygeleë hospitaal geneem met ʼn skietwond aan sy regterbeen.
“ʼn 42-jarige man is doodgeskiet en ʼn 41-jarige man is in hegtenis geneem ná die voorval. Die omstandighede rondom die voorval word nog ondersoek.”
Maroela Media verneem Russel Revers is aangeval op die plaas wat naby Kleinmond geleë is. Hy het glo persone betrap wat besig was om panele te steel.
Hy is steeds in die hoësorgeenheid in die hospitaal.