ʼn Groep boere het Woensdag kragte saam met die polisie gesnoer om twee verdagtes in die Smithfield-omgewing in die Vrystaat in hul spore te stuit. Ongelisensieerde vuurwapens en ammunisie is in hul besit gevind.
Volgens sers. Martin Xuma, polisiewoordvoerder, is daar omstreeks 20:00 ʼn verdagte Toyota Fortuner op die N6 naby Aliwal-Noord opgemerk. Die Smithfield-boerevereniging het die polisie in kennis gestel van die verdagte voertuig en hulle na die toneel ontbied.
“Die polisie het saam met die boere in die omgewing die situasie gemonitor en daarin geslaag om die voertuig naby die Smithfield-polisiestasie af te trek,” sê Xuma.
“Die polisie het die voertuig deursoek en op ʼn ongelisensieerde AK47-aanvalsgeweer met 30 patrone, asook een pistool met 14 patrone afgekom.”
Twee mans van Umtata in die Oos-Kaap, onderskeidelik 28 en 45 jaar oud, is in hegtenis geneem vir die besit van ongelisensieerde vuurwapens en ammunisie.
Die polisie het ook die Toyota Fortuner, ter waarde van R700 000, geskut.
Die verdagtes sal eersdaags in die landdroshof in Smithfield verskyn.
Mooi so
Gaan te lekker in die land !!
Welgedaan!
Hoed Kojac nog nie een nuus berig gelees van krimenele gebeurtinis waar n WETTIGE WAPEN gebruik was, soos jy gesê het
Goed so! Cele sal seker vertel dit is wettige wapens!
Goeie werk !!
Hulle was op pad om te gaan kwaad doen.
Hoop almal het na die tyd ‘n paar whiskeys gesink?
Wonder hoe lank hul sal sit of hoe gou kom hul uit om maar net weer krimineel te wees