Brackenfell-betoging: Man op waarskuwing vrygelaat wat glo skote afvuur

Jaco Pretorius (Foto: Skermgreep)

Die man wat daarvan beskuldig word dat hy Maandag skote by die Hoërskool Brackenfell in die lug afgevuur het, het Woensdag in die Kuilsrivier-landdroshof in die Wes-Kaap verskyn.

Jaco Pretorius word aangekla van die afvuur van ʼn vuurwapen in die openbaar.

Lede van die EFF en ouers en inwoners van Brackenfell het Maandag buite die hoërskool slaags geraak en skote en vuiste het geklap. Pretorius is ná afloop van dié konfrontasie in hegtenis geneem nadat hy oënskynlik skote in die lug afgevuur het.

“Sy saak is uitgestel tot 25 Januarie vir verdere ondersoek,” het Eric Ntabazalila, woordvoerder van die Nasionale Vervolgingsgesag (NVG) in die Wes-Kaap, bevestig.

“Hy is op waarskuwing vrygelaat tot sy volgende hofverskyning.”

Pretorius het in ʼn video wat vroeër op sosiale media gedeel is, gesê dat hy vier leë skote met ʼn replika-vuurwapen in die lug afgevuur het.

“Soos julle weet, is ek vandag in hegtenis geneem deur die Brackenfell-polisie as gevolg van die EFF wat by die hoërskool kom draai het. Ons het toe ʼn bietjie daar handgemeen met mekaar begin raak; hulle het begin klippe en stokke gooi. Ek het toe my blank geweer uitgeruk, die replika- 9 mm, wat ook nie eintlik ʼn geweer is nie. Ek het vier skote afgevuur. Hulle het gehardloop en hulle het teruggekom,” het Pretorius in die video gesê.

Lede van die EFF het Vrydag al na die Hoërskool Brackenfell opgeruk ná foto’s van matriekleerders van die skool by ʼn matriekafskeidgeleentheid ʼn herrie op sosiale media veroorsaak het. Net wit leerders het glo die private geselligheid bygewoon.

Die betogers was Maandag weer by die skool, waar private veiligheidswagte, inwoners en ouers hulle ingewag het. Die polisie is ook by die skool ontplooi.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
Dries

Ek kan nou nie onthou nie, want dit is al so lank terug wat dit gebeur het, is ‘n sekere politieke leier ooit gearresteer na hy skote afgevuur by ‘n openbare byeenkoms?

Persheks Adri

Mal-emma mag dit dan doen!!! Hoekom nou ‘n uitsondering maak? O ja, hy’s WIT!

Johan

Van wanneer af is ‘n replika geag ‘n vuurwapen te wees, vra maar net?

Chris dupreez

Replika of nie , blanks of nie , dit was onverantwoordelik en jy moes besef het waarvoor jy jou inlaat. Jy moet maar vat wat jou kant toe kom. Geen simpatie

Inkpot

Mag net die EFF gewelddadig raak en vrees aanjaag?
Waaroor gaan hulle tekere oor ń privaat funksie?
Ongenooide gaste hoort agter die deur. Punt.
Nooi Malema witmense na sy privaat funksies?