Covid-19-gevalle in Noordwes neem ‘drasties’ af

Madoda Sambatha, LUR vir gesondheid in Noordwes. (Foto: Twitter)

Die getal nuwe Covid-19-gevalle wat daagliks in Noordwes aangemeld word, het die afgelope maand drasties afgeneem. Só het die Noordwes- departement van gesondheid Dinsdag in ʼn verklaring aangedui.

“Altesaam 117 nuwe gevalle is die afgelope 24 uur in die provinsie aangemeld. Dit is ʼn drastiese afname van die 823 nuwe gevalle wat 30 dae gelede aangeteken is. Die getal herstelgevalle het ook toegeneem tot 12 245, wat 56% van die algehele 21 933 gevalle verteenwoordig,” lui die verklaring. Herstelde pasiënte sluit in verskeie senior raadslede en LUR’e in die provinsie.

Die Dr Ruth Segomotsi Mompati-distriksmunisipaliteit (Vryburg en Schweizer-Reneke) toon wel steeds ʼn toename in die aantal nuwe gevalle wat daagliks hier aangemeld word.

Madoda Sambatha, LUR vir gesondheid in Noordwes, het gesê dat die provinsie se kapasiteit vir toetsing in Klerksdorp en Rustenburg ook verhoog is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

6 Kommentare

jongste oudste gewildste
Shady

Daai masker sit op die regte plek

Jacobus

Die siver “bullet” van WGO. Hou op toets. NOU – laat sak die masker!

Sobymykoolkop

En ons almal het gedink dis net zuma wat nie kan tel nie

'n Simpelman

As ons nie toets, wys niemand positief.

Hahaha dink hulle ons onosel?