Covid-19: Só lyk gevalle, sterftes in SA tans

Dr. Zweli Mkhize (Foto: Twitter)

ʼn Totaal van 1 749 gevalle van Covid-19 en 13 sterftes is reeds in Suid-Afrika bevestig.

Zweli Mkhize, die minister van gesondheid, het Dinsdagmiddag aangekondig dat nóg ’n sterfte weens die nuwe koronavirus (Covid-19) in Parklands in KwaZulu-Natal aangemeld is.

Die aantal sterftes in die land staan tans op 13. Dié man het glo ook prostaatkanker gehad en het in ʼn hospitaal in Berea in Durban gesterf.

Sewe van die sterftes is in KwaZulu-Natal aangemeld.

Volgens Mkhize het die departement intussen sy kapasiteit verhoog om nou 5 000 toetse per dag te kan doen. Van die 55 000 toetse wat reeds gedoen is, is 47 000 in die private sektor gedoen. Die minister het ook bevestig dat die land nog nie met enige entstofproewe begin het nie.

Mkhize was Dinsdagmiddag in Sandton waar die Motsepe-stigting van die sakeman Patrice Motsepe en sy vrou, dr. Precious Motsepe, beskermende toerusting aan die departement van gesondheid oorhandig het.

Die toerusting sal onder mediese personeel in die verskeie provinsies versprei word. Altesaam 200 000 gesigsmaskers en bokse vol handskoene is aan Mkhize oorhandig.

Stavros Nicolau van Business for South Africa was ook by die geleentheid teenwoordig en het gesê R69 miljoen se beskermende toerusting is aangekoop en kan binne die volgende twee tot drie weke verwag word.

In totaal word daar beoog om 900 000 pare handskoene, 20 000 veiligheidsbrille en 6,5 miljoen maskers aan te skaf.

Wil jy op die hoogte bly van alle nuus oor Covid-19 op Maroela Media? Klik hier om in te teken op ʼn daaglikse nuusbrief.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

12 Kommentare

jongste oudste gewildste
Anel

Ai, tog. Die ou handskoentjies. Die grootste sondebok. Vat hier en vat daar en versprei wat ookal. Ontsmet jou hande gereeld anders dien die handskoene geen doel! Hulle sweet en kieme broei te lekker daar binne. Kom tog by en gee eerder vir die mense handreiniger.

Brandwag

Ek hoop nie die toerusting is van China aangekoop nie,ek lees op CNN en Daily Mail dat die toerusting nie op standaard is nie,my gevoel is dat China geboikot moet word in alle opsigte.Hulle is die oorsaak hoekom ons nou is waar ons is.Lockdown moet afgeskaf word,maatreels moet ingestel word om verspreiding te voorkom,ja daar sal mense doodgaan en siek word maar dit is die opoffering wat gemaak moet word as ons dit nie doen nie gaan die armoede,werkloosheid en anargie meer lewens eis.

Hennie

Ek kan nie help om te wonder of daar regtig n epidemie op hande is nie.

PH

Volgens vorige berigte het hulle gister net meer as 1200 toetse gedoen.
Ek wonder hoeveel toetse het hulle vandag gedoen?

Bets

Ja goeie vraag ek wonder ook oor dit of daar n epidemie is