Minstens 17 490 mense in Suid-Afrika het nou Covid-19 onder lede nadat nóg 1 436 nuwe virusgevalle Dinsdag aangemeld is.
Die jongste styging verteenwoordig ʼn positiwiteitskoers van 5,5%.
Die algehele sterftesyfer staan op 99 625 nadat nóg 16 Covid-19-verwante sterftes deur die departement van gesondheid aangemeld is. Geen van dié sterftes het oor die afgelope 24 tot 48 uur plaasgevind nie.
Die meeste nuwe gevalle is in Gauteng (35%) aangemeld, gevolg deur die Wes-Kaap (23%), KwaZulu-Natal (18%), Oos-Kaap (6%), Noordwes (5%), Vrystaat en Mpumalanga (4% elk), Limpopo (3%) en die Noord-Kaap (2%).
Provinsie | Getal nuwe gevalle op 8 Maart aangemeld |
Oos-Kaap | 81 |
Vrystaat | 58 |
Gauteng | 505 |
KwaZulu-Natal | 257 |
Limpopo | 41 |
Mpumalanga | 58 |
Noordwes | 71 |
Noord-Kaap | 31 |
Wes-Kaap | 334 |
Totaal | 1 436 |
Minstens 2 478 pasiënte word nou vir Covid-19 in die hospitaal behandel nadat nog 46 mense Dinsdag opgeneem is.
Volgens die Nasionale Instituut vir Oordraagbare Siektes (Nios) se statistieke het altesame 3 686 556 mense in Suid-Afrika al die virus opgedoen, van wie byna 97% reeds herstel het.
Altesame 23 285 855 Covid-19-toetse is al gedoen, waarvan 26 016 Dinsdag gedoen is.
Volgens die departement van gesondheid is altesame 92 395 dosisse van die entstof sedert die vorige verslag toegedien, terwyl 32 225 496 dosisse sedert die aanvang van die land se inentingsprogram toegedien is.