Covid-19-statistieke: Meer as 3 000 gevalle weer aangeteken

ʼn Werker staan langs beddens wat gereedgemaak word om ʼn stadion in Srinagar, Indië in ʼn Covid-19-sentrum te omskep. (Foto: Tauseef Mustafa/AFP)

Die getal nuwe Covid-19-gevalle het weer in net 24 uur met meer as 3 000 gestyg. Dit is die derde agtereenvolgende dag dat dié skerp toename waargeneem is. Gevalle het die afgelope week weer vinniger begin toeneem. Vrydag is 3 141 nuwe Covid-19-gevalle in Suid-Afrika aangeteken.

Altesaam 112 nuwe sterftes is ook aangeteken, die meeste hiervan in die Vrystaat (42) en Noordwes (40). Die herstelkoers staan tans op 94,6%, effens laer as die volgehoue koers van net meer as 95% wat tot die afgelope week aangeteken is.

Intussen waarsku die Wêreldgesondheidsorganisasie (WGO) dat Covid-19 vanjaar veel dodeliker kan wees.

Wêreldwyd is meer as 3,3 miljoen mense reeds aan Covid-19 oorlede. Die grootste krisis heers tans in Indië, waar meer as 260 000 mense reeds aan die virus oorlede is. In Japan het ʼn verdere drie streke nou ook ʼn noodtoestand verklaar, slegs 10 weke voordat die Olimpiese Spele moet begin.

Die WGO het nou gevra dat selfs mense wat ingeënt is, maskers dra in gebiede wat weer ʼn skerp styging in infeksies toon.

In Suid-Afrika is nog net 474 318 mense teen Vrydag teen Covid-19 ingeënt.

Inligting bygewerk van AFP.

Deel van: SA-nuus

Koronanuusbrief

Wil jy op hoogte bly van alle nuus oor Covid-19 op Maroela Media? Teken in op die nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

65 Kommentare

jongste oudste gewildste
Carel Aaron

Ek wil die inboeseming van vrees graag hokslaan. Statistiek is goed, maar dit kan ook misleidend aangewend word. Neem die getal sterftes en deel dit deur die land se bevolking dan sien u dis nie so vteesaanjaend nie. Daar is gemiddeld 40 000 griep sterftes in SA. Die hoogste was 60 000 in 1 jaar. Toe was die WGO en media nie betrokke nie. Ja ʼn virus is ʼn gevaarlike ding en hy muteer op n daaglikse basis so was jou hande gereeld. My oorlede moeder het dit vir my geleer. Sterkte Ns. O indien daar ʼn paar nulle na… Lees meer »

Anel

Ja, dra die maskers en ontsmet alles sodat die liggaam geen vermoë meer het om weerstand te bied nie. Dan gaan daar mos nou meer mense siek word! En saai paniek dat elkeen wat ‘n kopseer of loop neus het homself gaan toets. En automaties gaan elkeen wat toets positief wees en so veroorsaak dit paniek en vrees en beland die mense in die hospitaal en gaan dan dood. Jou familie mag jou nie besoek nie, so jy weet nie wat vang hulle aan nie. Die personeel kan kom en gaan soos hulle wil. Hoeveel mense is al by die… Lees meer »

Michael

Dis dan winter-meer mense word siek in die winter-dis nog altyd so. Elke persoon wat nou hoes of proes glo hy/sy het Covid en die hospitale en klinieke glo dit ook. So word syfers opgejaag om die vrees konstant te hou.Voorheen sou hulle net vinnig iets by die apteek of kliniek kry maar nou is dit Covid. Wat Indie betref, sterf daar die afgelope 20 jaar gemiddeld ongeveer 10 miljoen mense per jaar, dis ongeveer 875 000 mense per maand en ongeveer 29 000 mense per dag – AAN ander dinge as Covid. Tog is dit nog nooit as krisis… Lees meer »

Marianna

Hoekom word Ivermectin nie as voorsorg aan mense deur die staat gegee nie? Is daar ‘n duistere rede hieragter? Dit lyk so. Iets wat help mag nie eens genoem word nie. As mense hulle self kan dokter met Ivermektin dan kan daar mos nie ‘n verspreiding wees nie. Maar dis mos die 15de Mei. Dis mos voorspel dat ons op hierdie datum in die derde vlaag gaan inbeweeg. Dit laat mens wonder.

Renata

Dat covid werklik is stry ek nie, maar covid word gebruik om ons vrese aan te blaas. Niemand kan dit meer betwis dat daar n wêreld politieke agenda agter covid skuil nie. Syfers word baie beslis gemanupileer. Enige vaccine bevat die spesifieke virus. Met ander woorde, kry jy n griepinspuiting is dit presies wat jy kry, n inspuiting met die griepvirus daarin. Jou liggaam moet self teenliggaampies ontwikkel om te veg teen die griepvirus. Nou wat is covid dan? Dis n virus en dis presies waarmee die mense ingespuit word. Boonop het jy 2 vaccines nodig om effektief te werk,… Lees meer »